ئمڕوو یەکەم رووژ ساڵ خوەنەواری نووە لە هەرێم کوردستان

شەفەق نیوز/ ئمڕوو زەنگ ساڵ نوو خوەنەواری 2024 ـ 2025 لە هەرێم کوردستان وە بەشداری نزیکەی یەک ملیۆن و 800 خوەنەوەر دریالێ.

وەپای ئامارەیل وەزارەت پەروەردە، نزیکەی 156 هەزار مامووسا پەیوەنی وە ناوەندەیل خوەنستن کەن و بەشدار بوون لە دەسوەپیکردنەگە، و لە ماوەی ئمساڵ پرۆسەی خوەنستن لە شەش هەزار و 804 مەکتەو لە گشت هەرێم کوردستان ئەنجامدرێد.