کەمەوبۊین پلان کشتوکاڵی زمسانی لە دەوروبەر خانەقین و هەرێم کوردستان
شەفەق نیوز/ وەڕێەوبەرایەتی کشتوکاڵی خانەقین سەر وە هەرێم کوردستان، ئمڕوو پەنجشەممە، راگەیان پلان زمسانی ئەرا ٥۰٪ کەمەوبۊیە لەوەر بارودۆخ ئاو و کەمی داهاتەیل ئاوی.
وەڕێەوبەر فەرمانگەگە کامەران عەبدوڵڵا وە ئاژانس شەفەق نیوز وت؛ وەڕێەوبەرایەتیەگەی لەبان بڕیارەیل کشاوەرزی کوردستان بڕیاردایە پیلان کشاوەرزی زمسانە ئەرا ٥٠٪ کەمەوبکەێد لە دەوروبەر خانەقین و ناوچەیل مەیدان و قورەتوو سەر وە کشاوەرزی هەرێم لەوەر بار ئاو و کەمی داهاتەیل ئاوی.
وتیش، پیلان زمسانەگە ۱۰ هەزار دۆنم رەد نێکەێد و خاوەن گرێبەسەیل فەرمی گرێدەو ک پشت بەسن وە چەم دیالە و باڵەجو.
دیاریکرد، پلانەگە وەگورەی بار ئاو ئیسە دانریایە ٢ مەزەنە کریەێد داهاتەیل ئاو لە مانگەیل ئایندە زیادەو بوود.
ناوچەیل دیالە و کوردستان وە دەس قەیران ئاو ناڵن لە ماوەی دو ساڵ گوزەشتە لەوەر کەمی وان و بڕین جویەلە و لافاوەیل ئاوی ک وەلایەن ئیرانەو تیەێد.
