مەسعوود بارزانی: تاوانەیل داعش وەبان ئێزدیەیل زەخم قویلیگە لەلەش گەل کوردستان
ئەوەیش لە پەیامیگ هات وەیوونەی دەهەم ساڵیاد جینۆسایدکردن لە شنگال، و لە نویسینگەی راگەیاننی رەسیە ئاژانس شەفەق نیوز، و وتیش: جینۆسایدکردن لە شنگال و تاوانەیل تیرۆریستەیل داعش وەرجە دە ساڵ وەبان خوەشک و برایل ئێزدی زەخم قویلیگە لەلەش گەل کوردستان، و دیاری کرد کە ئی تاوانەیلە هەر دوووارەبوین و درویژەداینە ئەرا جینۆسایدەیل و زنیوەچاڵی وەبان گەل کوردستان وە درویژایی میژوو، کە ئێزدیەیل کەفتنە وەر جینۆسایدکردن تەنیا لەوەر ئەو کە کوردن و لەوەر باوەڕ ئایینیان.
بارزانی وتیش: لە دەهەم ساڵیاد ئی کەلەمە، سڵاو رێز ئەرا شەهیدە سەربەرزەیل و قوربانیەیل ری تاوانە مل کەیمن، و سڵاو لە گیان پیشمەرگە قارەمانەیل کەیمن کە خوین خوەیان پیشکەش کردن ئەرا شکانن گیرهاوردن کویەی شنگال و ئازادکردن شارەگە، و پشت خوەشک و برای ئێزیدیەیل لە نواگیریکردن داعش گردن، و تووڵەی قوربانیەیلیان سەنن.
بارزانی دووپات کرد کە لەی ساڵیاد زیانیە، دووپات لە پاڵپشتیکردن تەواو ئیمە کەیمن ئەرا ماف و پەڵپەیل ئێزیدیەیل و خەڵک ناوچەی شنگال وەگشت توانایگ، و گرنگی جیوەجیکردن رێککەفن ناوەین حکومەت هەرێم کوردستان و حکومەت فیدڕاڵی ئەرا ئاساییکردن رەوشەیل لە شنگال و کۆتاییهاوردن وە رەش نایاسایی و تا سروشتی کە یە دە ساڵە لەبان خەڵک ناوچەگە چەسپیاس.
وتیش: گرنگە سنووریگ ئەرا بەدوەکارهاوردن ژان و زیان و نەهامەتیەیل شنگال ئەرا بەرژەوەنی سیاسی وە ئامانج دروسکردن قەیران، و بایەسە ری وە ئێزدیەیل بیریەێد تا ئەرا ناوچە و میلکان خوەیان وە سەربەرزی گلەو بخوەن، تا وە ئارامی و بیوەیی بژیەن.
