سه‌رۆكه‌یل كوردستان پیروزبایی ساڵ نوو كه‌ن
شەفەق نیوز/ مەسعود بارزانی سەرکردەی کورد و مەسرور بارزانی سەرۆک حکومەت هەرێم کوردستان، ئمڕوو پەنجشەممە، پیرووزبایی وەبۆنی ساڵ زایینی نوو کرد.
سەرۆک مەسعود بارزانی لە بەیاننامەیگ رەسیە ئاژانس شەفەق نیوز وت: وەبۆنی سەر ساڵ زایینی نوو، رەنگینترین پیرووزبایی و شیرینترین موبارەکی ئەرا هاووڵاتییەیل خوەشەویست کوردستان و خیزانەیل شەهیدە بەڕێزەگان و پێشمەرگە پاڵەوانەگان ئاڕاستە کەم، و ئومید خەیر و خوەشی ئەرا گشتی کەم.
وتیش؛ ئومیدخوازم ساڵ ٢٠١١ ساڵ کۆتایی پەتا و بیماری و گرفتەگان بوود، و ئەنجامدان ئاشتی و ئارامی ئەرا گشت هاووڵاتییەیل کوردستان و عراق و گشت ناوچەگەمان بوود.
لەلای خوەییش نێچیرڤان بارزانی سەرۆک هەرێم کوردستان لە بەیاننامەیگ رەسیە ئاژانس شەفەق نیوز وت: پیرووبایی لە گشت کوردستانیەگان کەم، و ئەرا ئەو خیزانەیل سەربەرز شەهیدەیلە، ئەرا گەل عراق و نۆێنەرەیل دەوڵەتە هاوپەیمانەگان لە کوردستان و عراق، و ئەرا گشت جهان کەم، ئومیدخوازم ک کوردستان و عراق و گشت مرۆیی لە گشت زیانەگان و سەختیەیل ساڵ گوزەیشتە و پەتای کۆڤید-١٩ و کاریگەریەگانی رەد بکەن، و بکەفنە ساڵیگ پڕ لە ئەمان و خوەشی و ئارامی.
وتیش؛ هەرێم کوردستان لە ساڵ گوزەیشتە جوور گشت جهان کاریگەر بوی وە کاریگەریە سەختەگان لە بڵاوبوین ڤایڕۆس کۆڕۆنا، و کەفتە رەوشەیل تەندروسی ناخوەشیگ، و رەوشەیل دارایی سەختیگ، گ کەفتنە بان هەرێم کوردستان، و قورسی گەورایگ لە گشت لایەنەگان خستە بان گەردن هاووڵاتیبەگان، ک سەدان لە خیزانەیل کوردستان دووسەیلیان لەوەر پەتاگە لەدەس دان، سەرەخوەشی لەلیان کەم و هاوبەش خەفتیانم.
بارزانی وتیش؛ وەرجە تەواوبوین ساڵ ٢٠٢٠، رەفتارەیل هێزە سیاسیە سەرەکیە عراقیەگان لە ئەنجومەن نۆێنەران وەرانوەر هەرێم کوردستان فرە ستەمداربوین، ک سیاسەتیگ پڕ لە دژایەتی هەرێم کوردستان بوین، ئامانجیان پەکخستن خزمەتگوزارییەگان و ورسیکردن گەل کوردستان بوی، ک گشت تەقەلایلیان دان، لەڕی یاسای سپۆنسەرکردن پەککەفتنە داراییەگە، و وەگشت شیوەگان و لەژێر ناونشانەیل یاسایی، ک فەرمانبەرەگان و خاوەن مووچەگان لە هەرێم کوردستان لە مووچەیل و شایستەیل دارایی خوەیان بیبەش بکەن.
و دیاریکرد ک ئی رەفتارە دژوە هەست چارەنووس هاوبەش و پێکەوەژیاتە، و هەست نەکردن وە هیچ وەرپرسایەتییگ وەرانوەر فەرمانبەرەیل دەوڵەت عراق، ک نەبایەد سەرۆک وەزیران عراق و حکومەت فیدڕاڵی وگشت دامەزراوە فەرمیەگان لە دەوڵەت عراق و دامەزراوە فەرمیەگان رازی وەی ستەمە لەبان فەرمانبەرەیل و خاوەن مووچەگان و گەل هەرێم کوردستان بویاتان، و بایەدە حکومەت فیدڕاڵی قەرەبوو هەرێم کوردستان بکەێد لە بیبەشکردنی لە شایستە داراییەگانی لە ساڵ ٢٠٢٠، ک رێککەفتنە وەرینەگان دیارییان کردن، و پێشبینی لە نەتەوە یەکگرتووەکان و کۆمەڵگای ناودەوڵەتی و لە هاوبەشەگانمان کەیمن ئەرک خوەیان لە چارەسەرکردن گرفتەگان بکەن.
و ئاماژە کرد ک هەناسەی دریژ شاند دانوستانەگەی کوردستان، و مەنینی لە بەغداد ئەرا زیاتر لە دوو هەفتە، و نواگردن لە گشت دەسپیچکەگان ک ریگری لە رێککەفتنەگە کەن، بەڵکەیگە لەبان ئەوپەڕ نیاز پاکی و ئامادەیی لەلای هەرێم کوردستان ئەرا چارەسەرکەردن گرفتەگان، بەڵکم وەداخەو ک تا ئیسە هیچ ریدان خاسیگ لەلایەن حکومەت فیدڕاڵی ئەرا کەمترین مافەیل دارایی ئەرا هەرێم کوردستان نییە.
وتیش؛ ئەیە هیچ ئامادەبوینیگ ئەرا چارەسەرکەردن گرفتەگان وەگەرد هەرێم کوردستان نییە، بەڵکم سزادان گەل کوردستانە، و خوەییش وەهەر شیوەیگ یاسایی و دەستوری نییە، و خوەی دژوە سیستەم فیدڕاڵیە، و تەنیا ئەرا مەبەستەیلیگ سیاسییە و لە ئەنجام بڕیارەیلیگ سیاسییە، دووارە باس لە ئامادەبوینمان و ئارەزوومان و خوازینمان کەیمن ئەرا رەسین وە چارەسەری و رێککەفتن یەکجارییگ لەبنەمای دەستور عراقی ک مافەیل و شایستەیل هەرێم کوردستان و ئارامی ئەرا گشت عراق دابین بکەێد.
بارزاني وتيش؛ لە چین سیاسی لە هەرێم کوردستان، وەداخەو ک ناکۆکیە سیاسییەگان لەناوبەین لایەنە سیاسییەگان وەردەوامە، و بوینە هووکار ململانیەل بیتامیگ لەری میدیایل راگەیانن کۆمەڵایەتی لە خراوکردن رەوشەیل ژیان و گوزرانی و دەروینی گەل کوردستان، و ئاماژە کرد ک فرەوەکردن لەو ناکۆکیەیل سیاسیە فرە لە هێز سیاسی هەرێم کەمەو کەێد، و بوودە هووکار پارچەبوین کۆمەڵگاگە، ک ئارامی کۆمەڵایەتی و ئاسایش لە هەرێم کوردستان خراو کەێد، و بایەدە لە نزیکترین وەخت بووسیەێد.
و دووپاتکرد ک ئەرک گشت هێزە سیاسیە کوردستانیەگان خوەی هویرکردن وە مقەیەتی مافەگان و پێکهاتەی دەستوری و سیاسی لە هەرێم کوردستان و سیستەم فیدڕاڵیە، و کار ئەرا گشت ئەیە بکەێد، ئەراوە بایەدە کۆتایی وەی ناکۆکیەیل سیاسیە وەزوی باێد، و رێککەفتن بوود ئەرا چارەسەرکەردن گرفتەگان، و سەرۆکایەتی کوردستان هەمیشە بوودە پاڵپشتیگ ئەرا ئەنجامدان ئەوە و وەگشت شیوە وریەگان.
هەرلیوا، مەسرور بارزانی سەرۆک حکومەت هەرێم کوردستان، پیرووبایی ئەرا هاووڵاتییەیل کوردستان و عراق و جهان وەبۆنی ساڵ زایینی نوو ئاڕاستە کرد، وباس لە ئومید خوەی کرد ک بوودە ساڵیگ ئەرا ئاشتی و ئارامی.
و لە بەیاننامەیگ رەسیە ئاژانس شەفەق نیوز وت: هەرێم کوردستان و گشت جهان کەفتە وەر ساڵ سەختیگ لەسای بڵاوبوین پەتای کۆڕونا و کاریگەریە ئابووریە سەختەگان و رازینەوین حکومەت فیدڕاڵی لە رەوانەکردن شایستە داراییەگان ئەرا هەرێم کوردستان، ک قەیرانیگ دارایی و رەوش سەختیگ دروس کرد ک بویە بار دارایی سەنگینیگ لەبان هاووڵاتییە خوەشەویستەیلمان لە هەرێم کوردستان.
وتیش: ئیسە وەگەرد رەسینمان ئەرا رێککەفتنیگ وەگەرد حکومەت فیدڕاڵی لەباوەت پڕۆژەی بوودجەی فیدڕاڵی ئەرا ساڵ ٢٠٢١، ک ئیمە ئومیدخوازیمن وەتەواوی جیوەجی بکریەێد، و لە لایەنە سیاسیەگان عراق داوا کەیمن لە ئیسە وەرەولا رازی نەوون شایستەیل هەرێم کوردستان و مافەیلی جوور قاقەز جەختیگ سیاسی دژوە گەل کوردستان ک هیمان مافەیلی خوریانە وەکاری بارن، و لە خود وەختەگە دووپات کەیمن ک قەت واز لە مافەیل دەستووری خوەمان نێتیەریمن.
