مەسعود بارزانی: شووڕش گوڵان ئەوە چەسپان کە ئیرادەی گەل کوردستان نیەشکێد
شەفەق نيوز/ مەسعود بارزانی سەرۆک پارت دیموکرات کوردستان، ئمڕوو دووشەممە، پەیامیگ وە بوونەی چل و نۆهەمین ساڵیاد شووڕش گوڵان کلکرد، لەناوی ئافەرین لەو قوربانیەیلە کرد کە گەل کوردستان و پیشمەرگە پاڵەوانەیل ئەرا ئازادی و سەربەرزی پیشکەشیان کردن.
بارزانی لە بەیاننامەیگ رەسیە ئاژانس شەفەق نیوز وت: شووڕش گوڵان یەکیگە لە گرنگترین وێستگەیل وەرخودان و خەبات گەل کوردستان، و درویژەداینیگ پڕ لە پەیام و ئامانجەیل شووڕش ئەیلوول مەزن بوب، دیاری کرد کە کە بڵویزەی شووڕش گوڵان وە پلانیگ رێکخریاگ سەربازی هویردیگ دەسوەپی کرد، وە ئیرادەی بەرزیگ، هەرچەن ئەو رەوشەیلە گونجیاگ نەوین لە شوین شکست و ئاوارەکردن و لەسای زوورەیل جیاجیا وەلایەن دوژمنەیل گەل کوردستان.
بارزانی وتیش: لە شووڕش گوڵان، گەل ئیمە قوربانیەیل فرەیگ پیشکەش کرد، و فرەیگ لە پیشمەرگە پاڵەوانەیل گیان خوەی وە فیدای کوردستان دان، و فرەیگیش لە گەل ئیمە ری ئاوارەبوین پەسەن کردن، و کەفتنە مەینەتی زیان و نەهامەتی، تا نەچنە ژیر وەدەسداین خوەیان و سەر بچەمنن، شووڕش گوڵان ئەرا گشتی چەسپان کە ئەو ئیرادەی خەباتە ئەرا ئازادیە کە گەل کوردستان دیرێدەی قەت نیەشکێد، بەڵکم هەر وە پرشنگداری مینێد.
هەمیش وت: لە چل و نۆهەمین ساڵیاد شووڕش گوڵان، دروود لە گیان یەکەمین شەهید لەو شووڕشە کەیمن، شەهید سەید عەبدولڵا حاجی ئۆمەرانی، و گشت شەهیدەیل کورد و شەهیدەیل کوردستان، هەمیش سوپاس و رێز خوەمان وەگشت خەباتکار و پیشمەرگە و نیشتمانپەروەرەیل پیشکەش کەیمن کە دەسیگ لەی شووڕشە داشتنە، و لاپەڕەیگ پڕ لە شەرەف ئەرا گەل ئیمە نویسانن کە حی شانازیە.
شووڕش گوڵان دویای ماوەی کوڵیگ لە شکست رێککەفتن جەزائیر ساڵ 1975 دەسوەپی کرد، کە پارت دیموکرات کوردستان وە سەرکردایەتی نوێت مستەفا بارزانی بڕیار ئامادەکاری ئەرا شووڕشیگ نوو دا، وەشیوەیگ جیاواز لەڕوی رێکخستن و سەربازی، کە سوود لەو ئاڵشتبویەیلە گرد لە خوەرهەڵات ناوڕاس، تا دووارە ئومید بەێدە هەڵسیان گەل کورد.
