مەسعود بارزانی: بایەتە خاوەن پەلامارە تیرۆریەگەی شار سەدر باج کردەوەیان بیەن

شەفەق نیوز/ مەسعود بارزانی سەرکردەی کورد، ئمڕوو سێشەممە، وەسەختی شەرمەزار  ئەو پەلامار تیرۆریەی دوێەکە دووشەممە کرد لەبان مەدەنیە بیکوناهەیل لە بازاڕیگ لە شار سەدر لە بەغداد،  ک بویە هووکار دەیان قوربانی و زەخمدار.

سەرکردە بارزانی لە بەیاننامەیگ ئمڕوو وت: ئی تاوانە نشانەی بی وژدانی و مرۆییە لەلای تیرۆرستەیل م لە رووژ عەرەفە جیوەجیی کردن هەنای مەردمەگە ئامادەکاری ئەرا پیشوازیکردن لە جەژن کەن تا کەلەمەیگ جوور ئی تاوان ناشرینە وەپیان بڕەسنن.

وتیش: ئەوانە دوژمن ئاین و مرۆیی و پیرووزەیلن، و بایەتە باج تاوانەیان بیەن.

سەرکردە بارزانی هەمیش وت: سەرەخوەشی لە خیزان و کەسوکارەیل قوربانیەیل ئی کارەسات دڵتەزنە کەم، و خوەم وە هاوبەش خەفتیان زانم، و داوا لە خودای مەزن کەن سەبووری وەپیان بەێد، و ئومێد زوی خاسەوبوین ئەرا زەخمدارەیل خوازم.