مەسرور بارزانی: نیەخوازیمن عراق بچوودە ناو جەنگ ناوچەگە
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو شەممەر باس نیگەرانیی کرد لەوەگ عراق بچوودە ناو جەنگ ناوچەگە.
مەسرور بارزانی لە میوانیکردنی لە دانیشتن گفتوگۆ لە دیدار ئاشتەوایی و ئاسایش لە خوەرهەڵات ناوڕاس لە دهۆک وت: بیگومان ئیمە نیگەرانیمن لە هەڕەشەی ئیسرائیل وەبان عراق.
وتیش: نیەخوازیمن عراق بچوودە ناو ئەو جەنگە لە ناوچەگە، وتیش: بایەسە عراق رۆڵیگ بیناکەر لە پاڵپشتیکردن ئاشتەوایی و نزیکەوکردن نووڕین ناوەین تیمەیل بیاشتوود، نەگ ئاگر جەنگ تیژەو بکەێد، و باوەتەیل ئاڵووزەو بکەێد وەوەگ نەکەفێدە بەرژەوەنی گەل عراق.
دووپاتیش کرد کە بایەسە حکومەت عراق بەرژەوەنی گەل خوەی بخەێدە وەرچەو.
سەرۆک حکومەت هەرێم کوردستان هەمیش باس نیگەرانیی کرد لە پشتبەسین عراق وە نەفت جویر تەنیا سەرچەوەیگ ئەرا داهات لە وڵاتەگە، وتیش؛ ئی کارە هەمیشە گیچەڵ دروس کەێد، چوینکە نرخ نەفت بانوخوار کەێد.
وتیش: ئیمە لە هەرێم کوردستان رەنج دایمن ئەرا هەمەڕەنگردن ئابووری و سەرچەوەیل داهات، و بایەسە عراق ئەو کارە بکەێد و پشت وە نەفت نەوەسێد جویر تەنیا سەرچەوەیگ ئەرا نەفت.
