مەسرور بارزانی لە لێدوانیگ لەبان تاوانیگ لە هەولێر: هیچ شەرەفیگ لە ژن کوشتن نییە

شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو شەممە، دەربارەی کوشتن ژن جایەڵیگ وەدەس شویەگەی لە شار هەولێر باس کرد.

بارزانی لە بەیاننامەیگ وت: تاوان کوشتن وەحشیانەی ژن جایەڵیگ دوێەشەو لە هەولێر دڵگرانم کرد، و وتیش؛ هیچ شەرەفیگ نییە لە تاوانەیل «شەرەف».

هەمیش وت: ئەو تاوان کوشتنە، وەرەو دویا بەێدەمان، و بایەدە کۆتایی وەپی باێد، و جەخت کرد ک خوەی ئەرکدار وەزیر ناوخۆ کردگە تا دووپاتی بکەێد ک تاوانبارەگە کەفێدە پای یاسا.

هەمیش وت؛ کۆمەڵگامان گەشە نێکەێد ئەگەر نیمەی خەڵکەگە وەئازادی و وەبی رخ لە توندی ژیان نەکەن.

سەرۆک وەزیرەیل هەرێم وتیش؛ لەی حکومەتە داهاتەیلیگ ئەرا دابینکردن پەنا ئەرا ئەو ژنەیل بی دەسەڵاتە ک مینەی پشتگیری و مقەیەتی کەن کردیمن، و من پابەندم وە تەقەلای دەسمیەتی زیاتر.