مەسرور بارزانی راگەینێد دابەشکردن مووچەی فەرمانبەرەیل هەرێم وەبی بڕین
2021-07-25T11:28:24+00:00
شەفەق نیوز/ مەسرور بارزانی سەرۆک وەزیرەیل هەرێم کوردستان، ئمڕوو یەکشەممە، راگەیان ئەوەسا حکومەت هەرێم کوردستان لەی مانگ تەمووزەو دەسکەێدە دابەشکردن مووچەیل فەرمانبەرەیل و کارمەنەیل کەرت گشتی وەبی هیچ بڕینیگ.
بارزانی لە وتاریگ تەلەفزیۆنی ئەرا خەڵک هەرێم کوردستان ئمڕوو وت: وەو جوورەگ وەرجەیە دووپات کردیمن ک حکومەت هەرێم ئەوەسا مووچەیل وەبی بڕین دابەش کورد ئەگەر داهاتەیل دارایی گشتی دابین کریا.
وتیش؛ ئەنجومەن ئابووری باڵا و ئەنجومەن وەزیران هەرێم کوردستان، ئمڕوو بڕیار دابەشکردن مووچەیل وەبی بڕین دان، وتیش؛ حکومەت فیدڕاڵی پویلەیل هەرێم کوردستان کل کردن، و ئەگەر لەی پابەندی وەردەوام بوی ئێمەیش وەردەوام بویمن لە دابەشکردن مووچەیلە وەبی بڕین.
