مەرز نوویگ ئەرا هەناردەکردن لە ئیلام فەیلی وەرەو عراق

شەفەق نیوز/ وەرپرسیگ لە پارێزگای ئیلام فەیلی، دەسکردن وە هەناردەکردن ئەرا عراق وەڕی بازاڕ هەڵاڵە راگەیان، ک لە هەفتەی ئایندە دەسوەپی کەێد.    

تەقی مەنسوریان ئەرا ئاژانس "ئەرنا"ی ئیرانی وت: گفتەگو وەگەرد بازرگانەیل عراق ئەرا هەناردەکردن کاڵا و شمەک لەڕی بازاڕ هەڵاڵەی باکوور وەرەو عراق کریاگە، و گریەبسی جیوەجی بویە.   

وتیش: تەقەلا دەیمن وە زیایەی بەرهەمەیل پارێزگاگە دەسوە هەناردە وەرەو عراق بکەیمن، و وەی شیوە دەسکریەێدە کارەیل هەناردە و هاوردە.   

مەنسوریان باس ئومید خوەی کرد ک ئی بازاڕەیلە بوودە سوودیگ بازرگانی و ئەوزەڵکردن بازرگانی دەیشتەکی و بەرهەمەیل هەناردەکاری، و دەرفەت کار ئەرا ناوچەیل سنووری پارێزگاگە پەیا بکەێد.