مووچەی فەرمانبەرەیل کوردستان.. دویای ٢٢ رووژ لە راگەیانن خشتە وبەشەوکردن وهیمان تەواو نەویە
شەفەق نیوز/ یە ٢٢ رووژە لەبان راگەیانن خشتەی بەشەوکردن مووچەی مانگ حوزەیران رەد بویە، ک لەلایەن وەزارەت دارایی و ئابووری هەرێم کوردستان دەرچگە، باوجی هیمان بەشەوکردن مووچە لە ئیدارەی گەرمیان تەواو نەویە.
سەرچەوەیگ ئاگادار ئەرا ئاژانس شەفەق نیوز وت: بەشیگ لە فەرمانبەرەیل وەزارەت شارەوانی، وخوەنەواری باڵا مووچەی مانگ حوزەیران نەوردنە، جویر وەڕێەوبەرایەتی گشتی شارەوانی گرميان،
وەڕێەوبەرایەتیەیل ئاو و سەرچەوەیل ئاوی، فەرمانبەرەیل خوەنواری باڵا، وەگەرد وانەبیژەیل پەتی. سەرچەوەگە وتیش: بەشیگ لە فەرمانگەیل هەڕەشەی بایکۆت دەوام فەرمی دان، ودیاری کرد ک بانک شێروانە لە گەرمیان نزیکەی ٢،٥ ملیار دینار خوازێد تا ئەو مووچەیلە تەواو بکەێد.
وەرجەیە، وەزارەت دارایی و ئابووری لە هەرێم کوردستان، بەشەوکردن مووچەی مانگ تەمووز فە لە بیس و پەنج ئی مانگە ئەرا فەرمانبەرەیل هەرێم راگەیان.
