مه‌لا به‌ختيار وشدارى دا له "گه‌ورارترين هه‌ڵه‌ى ستراتيجى" كوردستان بكه‌فێده‌تى
شه‌فه‌ق نيوز/ مه‌لا به‌ختيار سه‌ركرده‌ى باڵا له يه‌كێتى نيشتمانى كوردستان، باس له‌وه كرد ك پشتگيرى رويكردن له لامه‌ركه‌زيه‌ت ئه‌كا له هه‌رێم ته‌نيا له چوارچيوه‌و ريڕه‌وه‌يليگ دياريكرياێ.
مه‌لا به‌ختيار ك ئه‌ندام ئه‌نجومه‌ن باڵاى سياسيه له يه‌كێتى نيشتمانى، له ديمانه‌يگ وه‌ل ئاژانس شه‌فه‌ق نيوز وت: لامه‌ركه‌زى جوور ده‌سڵات ئابووره به‌ڵێ، جوور ده‌سڵات چوينێتى ئداره‌ى پاريزگايه‌يل وه‌شيوه‌يگ خاستر به‌ڵێ، وه‌لێ نه‌يايه‌د هويچ لايه‌نيگ بارودوخه‌گه وه‌ره‌و چه‌سپانن مه‌سه‌له‌ى دو ئداره‌يى يا چه‌ن ئداره‌يگ هه‌رێمى بووه‌ێد له هه‌رێم كوردستان عراق.
مه‌لا به‌ختيار وت: ئى كاره ئه‌دێده گه‌وراترين هه‌ڵه‌ى ستراتيجى ك له‌لايه‌ن هه‌ر لايه‌نيگه‌و ئه‌نجام بدريه‌ێد يا هه‌ر لايه‌نيگ وه‌پى رازێ بدێ.
مه‌لا به‌ختيار باس له‌وه‌يش كرد له قۆناغيگ ك مام جه‌لا ره‌حمه‌تى و جه‌ناب مه‌سعود بارزانى بنيشتيانه يه‌كه‌و گشت كيشه‌يليگ كووتايى وه‌پى هاتياد، ئاماژه وه‌يه‌يش كرد پيكهاته‌ى يه‌كێتى ئالشت بوێ و له‌ناو پارت ديموكرات كوردستانيش ئاڵشتكارى ئه‌كريه‌ێد له كۆنگره‌ى ئاينده‌ى و يه‌يش ده‌رخست ك هه‌وڵيگ هه‌س له‌ناونى هه‌ردوگلا ك دوياى جه‌ژن بنيشنه يه‌كه‌وه‌و منيش ئاماده‌م ئه‌گه‌ر مه‌سه‌له‌گه هه‌وه‌جه بكا ده‌سپيشخه‌رى بكه‌م له‌وه‌ر ره‌سين وه چاره‌سه‌ر كيشه‌يل ناونيمان.
