مه‌سرور بارزانى: ريككه‌فتنيگ گشتگير وه‌ل به‌غدا له به‌رژه‌وه‌ندى گشت عراقيه‌يله
شه‌فه‌ق نيوز/ مه‌سرور بارزانى سه‌رۆك حكومه‌ت هه‌رێم كوردستان له نويسينگه‌ى خوه‌ى له هه‌ولێر پيشوازى له شانديگ سه‌ربازێ ئه‌مريكى كرد وه سه‌رۆكايه‌تى جه‌نراڵ گریگۆری کرودەر.
له‌و ديداره دويايين رويداگه‌يل بارودوخ تاووتوێ كريا له‌ئاست مه‌يدان هه‌رێمايه‌تى و هه‌ماهه‌نگى ئه‌منى ئه‌را روێ وه‌ڕوێ بوينه‌وه‌ى مه‌ترسيه‌يل ريكخرياگ تيرۆريستى داعش ك هيمان هه‌ڕه‌شه‌يگ هاوبه‌ش پيكهاوردگه له‌بان گله‌وخواردن ئاواره‌يل ئه‌را ناوچه‌يليان.
لاى خوه‌يه‌و مه‌سرور بازرانى دوياى ئه‌وه‌گ سوپاسگوزارى ئاراسته‌ى هێزه‌يل هاوپه‌يمان كرد له‌باره‌ى ده‌سميه‌تداين هيزه‌يل پێشمه‌رگه, ئاماژه وه‌يه‌يش كرد و وت: دانيشتنه‌يمان وه‌ل به‌غدا وه‌رده‌وامه له‌وه‌ر ره‌سين وه ريككه‌فتنيگ گشتگير وه ئامانج چاره‌سه‌ر گشت ناكووكيه‌يل وه‌گووره‌ى ده‌ستوور و ره‌سين وه‌و ريككه‌فتنيشه له به‌رژه‌وه‌ندى گشت عراقيه‌يله.
