مسرور بارزانی پەلاماردان نویسینگەگەی وە فڕۆکەیگ بیفڕۆکەوان ئیرانی دووپاتکەێد: هەڕەشەیگ راستەوخۆیە لەبان ئاسایش کوردستان
شەفەق نیوز- هەولێر
سەرۆک حکومەت هەرێم کوردستان مسرور بارزانی، ئمڕوو دووشەممە، دووپات کرد لەبان کریانە ئامانج نویسینگەکەی وە فڕۆکەیگ بیفڕۆکەوان ئیرانی، و وە هەڕەشەیگ راستەوخۆ ئەرا ئاسایش کوردستان زانستێ.
لە تویتیگ لەزان تووڕ کۆمەڵایەتی (ئێکس) وت: "دویای لێکۆڵینەوەیگ کە وە لایەن یەکەی دژەتیرۆر لە هەرێم کوردستان ئەنجام دریا، دەرکەفت کە نویسینگە تایبەت خوەم و مال سەرۆک ئاژانس ئاسایش و زانیاری ئمڕوو کریانەسە ئامانج پەلامار فڕۆکەی بیفڕۆکەوان ئیرانی".
وتیش: "من وە توندترین شێوە شەرمەزار ئێ پەلامارە بێباکانە و ناڕەوایاەیلە کەم؛ یە ئەوزەڵکردنیگ رخدارە و هەڕەشەیگ ڕاستەوخۆیە ئەرا ئاسایش و سەقامگیری هەرێم کوردستان"، و دووپات کرد "ئێ پەلامارەیلە لە ئەنجامدان ئەرکەیلەمان و پاراستن هاووڵاتیەیلمان پەشیمانمان نیەکەێد".
لە وەختیگ گوزەشتەس ئمڕوو، دەزگای دژەتیرۆر هەرێم کوردستان راگەیان نویسینگەی سەرۆک حکومەت مسرور بارزانی لە شار هەولێر کریاسە ئامانج وە فڕۆکەیگ بیفڕۆکەوان ئیرانی.
