مردن و زەخمداری 6 پێشمەرگە وە رویداویگ هاتوچو لە سلێمانی
2022-11-07T12:45:15+00:00
شەفەق نیوز/ سەرچەوەیگ ئەمنی لە سلێمانی، ئمڕوو دووشەممە، خەوەردا لە مردن و زەخمداری شەش کەس لە هێزەیل پێشمەرگە وە رویداو هاتوچو.
سەرچەوەگە وە ئاژانس شەفەق نیوز وت" رویداوەگە لە ناحیەی قادر کەرەم رویدایە لە قەزای چەمچەماڵ نزیک کۆمپانیای "کۆرمۆر" لە ناوبەین دوو ماشین بویە هوکار گیان لە دەسداین دوو پێشمەرگە و زەخمداری چوار کەستریش".
وتیش: ئەو کەسەیلە گیان لە دەسدانە ، ئەحمەد عەقیل و محەمەد لەتیف ئەو کەسەیلە ئەندام بوین لە فەرماندەیی هێز دویەم پیادە هێزەیل 70 لە هێزەیل پێشمەرگە، تەرمەیلیان ئەراپزیشک دادوەری کلکریاس، زەخمدارەیلەش ئەرا چارەسەر کلکریانە خەسخانە.
