مردن و زەخمداری سێ کەس وە رویداو هاتوچو لە هەولێر

شەفەق نیوز/ وەرێوبەرایەتی هاتوچو پارێزگای هەولێر، ئمڕوو جومعە، راگەیان کەسیگ مردیە و دووانیش زەخمدار بوینە وە رویداویگ هاتوچو لە بان یەکیگ لە ریگەیل سەرەکی.

قسەکەر هاتوچو هەولێر فازل حاجی لە بەیاننامیگ رەسیە ئاژانس شەفەق نیوز وت" رویداوەگە لەبان جادەی 100 لە ساعەت 5:10 شەفەق ئمڕوو جومعە رویدایە، ماشینیگ لە جویر(هیوندای) خوەی کیشایەس وە ماشینیگتر بویە هووکار مردن کەسیگ و زەخمداری دوو کەس و زەرەد مادی گەپیگ وە هەردگ ماشینەگە رەسیە".

حاجی وتیش" لە وەخت رویداوەگە کەس لە جادە نەویە بیجگە لەو دوو ماشینە".