یەک مردن وەگەرد بەرزەوبوین شمارەی تۊشهاتنەیل کۆرۆنا لە هەرێم کوردستان
![یەک مردن وەگەرد بەرزەوبوین شمارەی تۊشهاتنەیل کۆرۆنا لە هەرێم کوردستان](https://media.shafaq.com/media/arcella/1658057345983.jpg)
شەفەق نیوز/ وەزارەت تەندروسی لە هەرێم کوردستان، ئمڕوو یەکشەممە، توومارکردن ٨٣٩ تویشهاتن نوو وە ڤایرۆس کۆرۆنا لە ماوەی ٢٤ سەعات گوزەشتە راگەیان، تا گشت شمارەگە بڕەسێدە ٤٥٢٨٩٤.
وەزارەتەگە لە بەیاننامیگ رەسیە ئاژانس شەفەق نیوز وت: ٥٧٦ بیمار لە پەتاگە خاسەو بوین، تا گشت شمارەی خاسەوبویەیل بڕەسێدە ٤٣٥٩٤٠.
بەیاننامەی وەزارەتەگە وتیش: یەک بیمار وە ڤایرۆسەگە لە ماوەی ٢٤ سەعات گوزەشتە گیانی لەدەسدا، تا گشت شمارەی مردنەیل بوودە ٧٤٥٦ کەس.
دویەکە شەممە، هەرێم کوردستان ٤٣٠ تویشهاتن وە ڤایرۆسەگە توومار کرد.