یەک مردن و ١٩ تۊشهاتن کۆرۆنا لە هەرێم کوردستان

شەفەق نیوز/ وەزارەت تەندروسی لە حکومەت هەرێم کوردستان، ئمڕوو شەممە، راگەیان توومارکردن یەک مردن، و ١٩ تۊشهاتن نوو وە ڤایرۆس کۆرۆنا لە ماوەی ٢٤ سەعات گوزەشتە. 

وەزارەتەگە لە بەیاننامیگ رەسیە ئاژانس شەفەق نیوز وت: تاقیگەیلی لەماوەی ٢٤ سەعات گوزەشتە ١٦٠٥ وەشکین ئەنجام دانە، لەناویان تۊشهاتن ١٩ کەس نوو لە گشت ناوچەیل هەرێم کوردستان ئاشکرا بۊە.  

بەیاننامەگە وتیش: لە خود ماوەگە ٤٠ بیمار لە پەتاگە خاسەو بۊن، وەرانوەر توومارکردن یەک مردن.     

بەیاننامەگە باس گشت ئەو کەسەیلە کرد ک دۊای دەرکەفتن پەتاگە کەرەنتین کریانە رەسیە ٢١٨٧١ کەس، و تاقیگەیلی ٤١٤٣٥٥٥ وەشکین ئەنجام دانە، لەناویان تۊشهاتن ٤٣٦٤١٠ کەس وە ڤایرۆسەگە ئاشکرا بۊە، ٤١٨٢٢٩ لەلیان خاسەو بۊنە، و ٧٤٣٥ مردنە.