مردن مەدەنيیگ و زەخمداری پەنج کەس وە رویداو هاتوچو لە کەرکوک

سەرچەوەگە وە ئاژانس شەفەق نیوز  خەوەردا، "رویداو یەکەم لە جادەی قودس لەناوڕاس کەرکوک رویدایە، هەنای پیاویگ وەتەمەن لەداڵگبوی 1954 لە جادە رەدبویە گەنجیگ وە ماشینیگ فۆرد وە تونی دەێد لەلی بویە هووکار گیان لەدەسدانی لەهەمان مەوقە لەوەر ئەو خێرایی بەرزە رانندگی وەپی کردیە، وەلایەن دەوریات پۆلیس دەسگیرکریانە، تەرمەگە ئەرا پزیشک دادوەری کلکریاس و رانندەگە دەسگیرکریا".

سەرچەوەگە وتیش، "رویداو دویەم لەبان ری کەرکوک ناحیەی رشاد رویدایە، لەناوەین ماشینیگ لە جویر (ئۆپڵ)

، و ماشینیگ بارهەڵگر نەفتی، لەوەر تونی واران وارین لەری دەرچگن ماشین یەکەم کە لەیەکەودایە وەرد بارهەڵگرەگە و رویداوەگە بویە هووکار زەخمداربوین هەردووگ رانندەگە، و ئەرا چارەسەرکردن کلکریانە ئەرا خەسخانە".

سەرچەوەگە وتیش؛ " رویداو سێیەم لەناوەین قەزای داقوق و دوزخورماتو لە باشوور کەرکوک رویدایە ماشین مەدەنیگ لە ری گشتی دەرچگە و پلیاگە و لە ئەنجام سێ مەدەنی تویش زەخمداری بوون وەی هووکارە ئەرا خەسخانەی کەرکوک کلکریانە".