مردن پێشمەرگەیگ وە تەقیان مین لەباکوور دهۆک

شەفەق نیوز/ سەرچەوەیگ سەربازی لە دهۆک، ئمڕوو دووشەممە، خەوەردا لە مردن ئەندامیگ لە هێزەیل  پێشمەرگە وە تەقیان مین لە باکوور پارێزگاگە.سەرچەوەگە وە ئاژانس شەفەق نیوز وت، رویداوەگە لەو وەختە رویدایە هنای یەکیگ لە پێشمەرگەیل وەرەو خاڵ سەربازی چگە لە کویەی کابنیرکێ سەروە ناوچەی برواری باڵا سەر وە ناحیەی کانی ماسی لەاکوور دهۆک، مینەگە تەقیایە و بویەسە مدوومردنی دەسوەجی.وتیش ، تا ئیسە هویردەکاری رویداوەگە دیار نییە، دیاریکرد، هێزە ئەمنیەیل دەسکردنە وە لێکۆلینەوە  ئەرا چۆنیەتی رویداوەگە و ئەرا دیاریکردن ئەوەگ تەقینەوەگە لە ئەنجام مینیگ کوەنە بویە یا نوو.