مردن شاعر ئەحمەد دڵزار لە هەولێر
شەفەق نیوز/ ئەحمەد دڵزار شاعر کورد، ئمڕوو شەممە، لەیەکیگ لە خەسەخانەیل هەولێر پایتەخت هەرێم کوردستان، لەتەمەن زیاتر لە ١٠٠ ساڵ، دویای ململانەی دریژیگ وەگەرد بیماریەگە، کۆچ دویایی کرد.
شاعر ئەحمەد دڵزار ک نازناو شاعر نەتەوەیی هەڵگردگە، لە ساڵ ١٩٢٠ لە کۆێسنجاق پەیا بویە، و خوەنەواری ئایینی لە کەتاتیب و بنەڕەتی و ناوەندی لە خود شارەگە تەواو کرد وخوەی رەسانە چەن خولیگ رووشنهویری لە دەیشت وڵاتەگە.
شاعر کۆچکردگ، دیوانەیلیگ شیعر وەزوان کوردی و عەرەوی دیرێد.
وەرجە ساڵ ١٩٥٨ بویە ئەندام یەکێتی نووسەران عراق، و لە ١٩٧٩ بویە ئەندامیگ لە دەسەی ئیداری لە یەکێتی نووسەرەیل کورد، و لەناونی ساڵەیل ١٩٧٤ - ١٩٧٩ نۆێنەر بەرەی نیشتمانی لە هەولێر بوی، و بویە ئەندام ئەنجومەن تەشریعی لە ناوچەی حوکم زاتی لە کوردستان لە خولەیل یەکەم و دوویەمی.
لە جەنگ دوویەم جهانی نزیکەی چوار ساڵ سەربازی کرد، ئیجا چگە ناو چین سیاسەت، و لە ١٩٧٤ تا سەرتای سەدەی گوزەیشتە فرەی رووژەیلی لە زیندانەیل و سەرگەردانی گوزران کرد.
رەحمەتی خاوەن دیبلۆم لە مێژوو و فەلسەفە و ئابووری سیاسی و بزووتنەوەی کرێکارەیل جهانی لە بولگاریا بوی.
