مردن پیاویگ هەفتا ساڵە و زەخمداری سێ کەس وە رووداو پلخواردن ماشین
2021-12-10T10:03:44+00:00
شەفەق نیوز/وەرێوبەرایەتی تەندروسی چەمچەماڵ، ئمروو جمعە، راگەیان رووداو هاتوچوویگ کۆتایی وە ژیان کەسیگ هاورد وەگەرد زەخمداری سێ کەس.
تەندروسی چەمچەماڵ لە بەیاننامەیگ رەسیە ئاژانس شەفەق نیوز وت: " ئمروو شەوەکی ماشینیگ لە ری ئاغجەلەر- چەمچەماڵ پلیاگە، و بۊیە هووکار مردن پیاویگ وەتەمەن 70 ساڵە و زەخمداری تۊنیگ سێ کەس ک ژنیگ ها ما بەێنیان ئەرا خەسخانە کلکریانە".
وتیش؛ تیمەیل تەندروسی و هاتوچوو رەسینە شۊن رووداوەگە ئەرا زانیین لە چۊنیەتی رووداوەگە.
