لەوەر مووچە...دەسکیشان کارمەندەیل خەسخانەیگ لە هەرێم کوردستان

شەفەق نیوز/ سەرچەوەیگ ئاگادار، ئمڕوو چوارشەممە، خەوەردا لە دەسکارکیشانەوەی شمارەیگ لە کارمەندەیل بەش چەودێری هویرد و بیماری گواستراوەیل خەسخانەی "قەلا" لە قەزای کەلار سەر وە ئیدارەی گەرمیان لە هەرێم کوردستان وە هووکار وەردەوامی گیچەڵ خەرجکردن مووچەیلیان.

سەرچەوەگە وە ئاژانس شەفەق نیوز خەوەردا،  6 کارمەند خەسخانەی "قەڵا" لە کەلار دەسلەکار کیشانەسەو، وە هووکار خەرجنکردن مووچەیلیان و گرەنتی نەکردن خەرجکردن مووچەی پەنج مانگ گوزەشتەیان.

وتیش، نزیکەی 140 کەس خەسخانەگە دامەزریانە  گوایە لەبان گریەبەسکردن وەبان بودجەی ئیدارەی گشتی یەکێتی نیشتمانی کوردستان، باوجی ماوەی پەنج مانگە مووچە ئەرایان خەرج نەکریاگە، لەبان ئەوەگ مووچەیلیان لە 50 ملیۆنەو کەمەوکریایە ئەرا 35 ملیۆن.