لەوەر دویاکەفتن موچەیلیان ماموسایەیل مەکتەوەیل کوردی لە کەرکوک بایکۆت دەوام کردن
شەفەق نیوز/ ماموسایەیل بەش خوەنین کوردیلە پەروەردەی کەرکوک، ئمڕوو چوارشەممە، بایکۆت دەوام راگەیانن ئەرا ناڕەزایی نیشاندان لە خەرجنەکردن مووچەیلیان ئەرا ماوەی دوو مانگ، سەختی گوزەران ژیان کە رویوەروی بوون، هیشت بڕیاربدەن وە وەردەوام نەبوین لە کار تا خەرجکردن مووچەیل دویاکەفتیان.
ماموسا نیگار مەحمود وە ئاژانس شەفەق نیوز وت "لە نزیک فەرمانگەی بەش سەرپەرشتی پەروەردەیی لە کویچەی شۆرجە خوەنیشاندان رێکخستین، داوا لە هەردووگ حکومەت هەرێم کوردستان و حکومەت فیدڕاڵی کەین ئەرا خەرجکردن مووچەیلمان کە ماوەی دوو مانگە وسیایە".
وتیش "خاوەن خێزان و خوەنەوار مەکتەوین و پابەندبوین دارایی دیرین ئەرا پویل داین وە پێداویستیەیل، کە لەوەر گیچەڵەیل ناوەین بەغداد و هەرێم هویچ مووچەیگ وەرنیەگرین".
رووشنیکرد "خوەنیشاندان و بایکۆت وەردەومن تا داواکاریمان جیوەجیکەن وە وەردەوامی، ماموسایەیل هویچ پەیوەنیگ وە گیچەڵەیل سیاسی ناوەین هەردوو حکومەت نەیرن".
