"لەوەر داوای مناڵیگ".. مەسرور بارزانی سەنگ بنەڕەتی مەکتەویگ لە هەولێر دانەێد (وێنە)
شەفەق نيوز/ سەرۆک حکومەت هەرێم کوردستان، ئمڕوو یەکشەممە، سەنگ بنەڕەتی مەکتەویگ لە گوندی کوردی لە شار هەولێر دانا، ئەوەیش وەخاتر داواکردن مناڵیگ لە مەوقەی لافاوەگە ک وەی دۊیاییە دادە شارەگە، و نشانیش دا ک حکومەتەگەی ٥٠ مەکتەو نوو واز کرد و ئەوەسا بڕێ تر بینا کەێد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: مەسرور بارزانی سەرۆک حکومەت هەرێم کوردستان، ئمڕوو، سەنگ بنەڕەتی ئەرا پڕۆژەی بیناکردن مەکتەویگ وە ١٨ پۆل لە گوندی کوردی لە هەولێر دانا.
سەرۆک حکومەت لە وتاریگ لە رسوومەیلە باس کرد ک ئی مەکتەوە وەخاتر داواکردن یەکیگ لەمناڵەیلە تیەێد ک لە مەوقەی لافاوەگەی وەرجە چەن رووژیگ داوای کرد.
وتیش؛ حکومەت هەرێم کوردستان لەڕی وەزارەت پەروەردە، ٥٠ مەکتەو نوو واز کرد، ک وەگشتی ٢٥ هەزار خوەنەوار لە دۊیەت و کوڕ گرێدەو، و دووپات کرد ک بوودجەی بیناکردن ٢٣ ساوەی مناڵ و مەکتەوەیلیگ تر لە گشت ناوچەیل هەرێم کوردستان دابین کریاگە.
و دیاری کرد ک وەوجۊرەگ پەیمان دایمنە، هۊیچ تکەپا لە پێشکەشکردن هاوکاری ئەرا زەرەدمەنەیل لافاوەیلە نیەیمن، و پەیوەندی وە مستەفا کازمی سەرۆک وەزیران فیدراڵی کردیمن، و داوای هاوکاری لە بوودجەی فریاگوزاری وەگورەی توانا کردیمن جۊر مافیگ ئەرا ئی هاووڵاتییەلە.
وتیش؛ حکومەت هەرێم کوردستان وەدەس بەسیاگ وەچەوڕی ئەو دەسمیەتیە نەوسیا، ک پارێزگار هەوڵێر ونوەزیر شارەوانی و بەڕێزەیەیلیگ تر رەسین ئەرا لاوردن ئەو زەرەدەیلەگ رەسینە مەردمەگە، وتیش؛ تا مەردمەگە بزانن چە کردیمن، ئەوە وەخاتریان کردیمن.
سەرۆک حکومەت هەرێم سوپاس گشت وەرپرسەیل ئیداری کرد وەگەرد خەڵکەگە بەشداری لە پاکەوکردن ناوچەیلە و رزگارکردن مەردمەگە لە مەترسیەیل لافاوەیلە کرد، و هەڵسەنگاندن زەرەدەیلە و ئیجا پێشکەشکردن قەرەبووەگە،.وتیش: گشت وەختەگە وەگەردیان بۊیم، و سوپاس لەلیان کەم، و ئومید خوازیمن ک نممونەیلیگ تر بۊینیمن.
دەربارەی ڤایرۆس کۆڕۆنا، سەرۆک حکومەت داوا لە هاووڵاتیەیلە کرد مقەیەتی خوەیان وە ریکارەیل تەندروسی و وەرگردن واکسین بکەن، و هەمیش دەسخوەشی لە دەور پزشکەیل و کادرەیل تەندروسی کرد ک رووژ دەنە دەم شەو ئەرا خزمەتکردن خەڵکەگە و مقەیەتیکردنیان.
