لەوەر بەد وەکارهاوردن مۆبایل و سۆشیال میدیا کوشیان گەنجیگ وە گولە لە دهۆک

شەفەق نیوز/ وەڕێەوبەرایەتی پارێزگای دهۆک، ئمڕوو شەممە، خەوەردا لە کوشیان گەنجیگ وە گولە، لەناو کۆمەڵگەیگ نیشتەجیبوین لە پارێزگاگە.

پولیس لە بەیاننامەیگ رەسیە ئاژانس شەفەق نیوز وت: گەنجیگ لە تەمەن ٢٤ ساڵان وەناو (محمد موسا محمد) وە گولەی دەوانچە لەناو کۆمەڵگەی نیشتجیبوین (چرە) کوشیا، ئەوەیش لەوەر بەد وەکارهاوردن مۆبایل و سۆشیال میدیا.

بەیاننامەگە وتیش: وەکوتپڕ هیزەیل بنکەی پولیس چرە و پولیس شێخان روی وەرەو شوین رویداوەگە کردن، و دویای ماوەی کوڵیگ توەنستن بکوشەگە وەگورەی مادەی ٤٠٦ لە یاسای سزادان عراق دەسگیر بکەن.

وتیش: تەرم قوربانیەگە ئەرا پزشک دادوەری دهۆک کلکریا.