کۊیەیل کوردستان  چەرمگ پووشن

      شەفەق نیوز/  کۊیە و جادە و ئاوایەیل هەرێم کوردستان، ئمڕوو چوارشەممە، بەرگ چەرمگیگ لە وەفر پووشینە،  دۊیای وەفر وارینەگەی شەوەکی ک تا ئیسەیش وەردەوامە.  

پەیامنێر ئاژڵنس شەفەق نیوز لە هەولێر پایتەخت هەرێم کوردستان وت: ئمڕوو کۊیەیل و ئاوایەیل باکوور هەولێر چەرمگە پووشانە، دۊیای ئەوەگ وەفرەگە لە شەوەکی شەفەق دەس وە وارین کردیە و تا ئیسەش وەردەوامی دیرێد.      

لە سلێمانی پەیامنێرمان وت : وەفر لە بنار کۊیەی پیرەمەگرون لە 34 کیلۆمەتر خوەرئاوای سەنتەر شار وارییە و دیاریکرد،  لە شەوەکی شەفەقەو وەفر وەردەم وارێد.    

لە دهۆکیش مەتین برواری وەڕێەوەبەر شارەوانی "کانی ماسی" وە ئاژانس شەفەق نیوز وت: دۊیەشەو بڕ فرەیگ لە وەفر وارییە، زۊی دەسکردنە وە لاوردن وەفرەگە ئەرا وازکردن ریەیل سەرەکی ناحیە و ئاوەییەیل سەر وە ئەوان جۊر دێرشک و وومائی و بیدوهی، بڕواری وتیش تا ئیسە بڕ ئەو وەفرە واریە 10 سانتیمەترە.