لە مزگەفتەیل ئەرا ماڵەیل.. رووژیگ جیاواز لە هەرێم کوردستان.. وینە
دەیەمین رووژ مانگ زولحیجە لە گشت ساڵیگ کووچی یەکەم رووژ جەژن قوربانە، کە لەناوی موسڵمانەیل و حاجیەیل و نا حاجییەیل، لە گشت ناوچەیل جیهان ئاهەنگ کەن، و تا ماوەی چوار رووژ وەردەوام بوود، ک لە سێزنەهەمین رووژ زولحیجە کۆتایی تیەێد.
سەربڕین ئاژەڵە قوربانییەیل
مامووستا حەمەد، هاوڵاتییگ شار سلێمانی، لە قسەیلی ئەرا ئاژانس شەفەق نیوز وت: لەشەوەکی جەژن موسڵمانەیل سلێمانی دڵخوەش بوون و شەوەکی چنە ئەنجامدان نماز جەژن، کە لە مزگەفتە گەورەیل و مەیدانە فراوانەیل ئەنجام دریەن، تا شمارەیگ فرەتر لەلیان بگرێد.
موسڵمانەیل لە رووژ جەژن پیرووزبایی لەیەکتر کەن و بایەتە تەکبیرەیل جەژن دوووارەو بکەن و دویای ئەنجامدان نماز جەژنیش موسڵمانەیل چن ئەرا سەربڕین ئەو قوربانییە کە ئەرا ئی رووژ پیرووزە ئامادە کردنە.
قوربانییەگە کریەێدە سێ بەش، یەکەمەگە لەلایەن ماڵ و خیزانەو وەیەکەو کوڵیەێد و خوەنەی، دویەمەگە وەبان هەژار و نەدارەیل بەشەو کریەێد، وسێیەم بەشەگە دریەێدە خیزان و برادەر و کەسوکارەیل خاوەن قوربانیەگە، تەنانەت ئەگەر دەسیانش بچوود.
سەردان و گەشتیاری
لەلای خوەییش، کامەران ئەحمەد ئەرا ئاژانس شەفەق نیوز وت: خەڵک کوردستان وەگشتی ئارەزوو هامشوو لە جەژن قوربان دیرن، هەرلیوا گەشتیاری لە شوینەیل تاڤگە گورجە، جویر تاوسانەهەواری (دوکان، کونە ماسی ئەحمەد ئاوا، و شوینەیلیگتر)، وە یاوەری ئەندامەیل خیزان و ئەوانەگ جویر میوان لە جەژن سەردانیان کردنە.
ئەحمەد وتیش: لە سلێمانی وە میراتیش مەنیە، جویر ئەوە ک ئەو کەسە ک سەردان کەسوکاری کەێد بەشیگ لە قوربانیەگە هەڵگرێد تا بوودە جویر دیارییگ، وە لەوەر ئەوە ک بڕیگ کەس کە تویش سەختی دارایی تیەن هاتێ نەتوەنن ئەو قوربانییە بسینن، ئەراوە هەڵمەتەیلیگ مەدەنی و خێرخوازی وەرجە جەژن قوربان چالاکن، تەنانەت گشت خیزانەیل توەنن قوربانییەیلیان لە شەوەکی جەژنەگە سەربووڕن، تا کەس هەس وە کەمی نەکەێد.
کەشیگ دڵخوەشکەر
مریەم حسێنیش لەلای خوەیەو ئەرا ئاژانس شەفەق نیوز باس لەوە کرد ک ئەو پلاتفۆرمەیلە لە سۆشیال میدیا کە پڕن لە وینەی ئاهەنگەیل جەژن قوربان، و پیرووزبایی و بەرەکەت، هن فرەی وەکارهاوێەیلە لە وەختیگ دڵنگ و پڕتاڵ کوردەواری ها وەریان لە هەرێم کوردستان.
مەریەم وتیش؛ وە ئەگەر بڕیگ وینەیلیان وە کەشخەی تەواوی بڵاو کەن، بەشیگیش وینەیلیان مەوقەی بەشەوکردن قوربانیەیل بڵاو کەن.
هەرلیوا پلاتفۆرم سۆشیال میدیا ئەرا پیرووزبایی کردن وەکار تیەرن، وەتایبەتی مەوقەیگ ک نەتوەنن سەردان گشتی بکەن، هاووەخت رەخنەگرەیل ئویشن هویچ جیگریگ ئەرا پیرووزبایی گەرمیگ نییە، چوینکە جەهان هیمایی بەس نییە تا کەشوهەوای ئی بوونە زنی بکەێد.
وەگەرد ئەو مشتومڕە کە فرەرجار لەبان ئی وینەیلە بوود، فرە کەس جویر تابلۆیگ هەمەلایەنە نووڕنەی کە گوزارشت لە خەڵک کوردستان و نەریتە کوینەیان کەێد لە ئاهەنگ جەژن قوربان، وەبی کاریگەری لەبان رەسەنایەتییان.
ژەم ناشتا
لەباوەت ژەم ناشتا، کە ئەوان ئارەزوو خواردن شەوەکیان کەن، مەریم دەسنشان ئەوە کەێد کە ناشتای رووژ جەژن برنج و شلەی فاسۆلیا و قەیسی (ترشانە) و بامیەس، ئی ناشتا وە خواردن نیمەڕو ناسیایە، بەڵام خەڵک سلێمانی کەنەی ناشتا.
لای خوەییش، بوشرا مستەفا هوکار خواردن ئاشیگ قورس و دیارینەکریای لە شەوەکیان ئەرا ئاژانس شەفەق نیوز ئاشکرا کرد وت: یەیش بەشیگە لە ئاڵشتبوین رسوومەیل شەوەکیان، و هەسکردن وەوە ک رووژیگ جیاوازە و ئاڵشتکاری لەناوی کەن.
مستەفا وتیش؛ خوو کوینە هەس کە لە باوگ و باپیر بریانە، و بوون و بەرواریان نەناسیایە، بەڵام زیاتر ریوڕەسمیگن کە لە یەکەم رووژەیل جەژن و پیرووزبایی باوە.
وەقسەی بوشرا مستەفا، ئی ژەمە بایەتە بی گووشت نەوود، هەرلیوا هەمیشە بادەم و مەیوژ خریەێدە بان برنج.
