لە ئیلام 32 کتاو وە زوان کوردی بڵاو کریایە
2022-04-10T11:34:57+00:00
شەفەق نیوز/ وەرپرس کاروبار کولتووری لە وەڕێوەبەرایەتی گشتی کولتووری پارێزگای ئیلام راگەیان: لە ساڵ گوزەشتە 32 کتاو وە زوان کوردی چاپ و بڵاو کریایە.
مەنسور موحیبی، وەرپرس کاروبار کولتووری لە وەڕێوەبەرایەتی گشتی کولتووری پارێزگای ئیلام راگەیان، لە ساڵ گوزەشتە 281 ناونیشان کتاو وە 290 هەزار گلە لەو پارێزگا چاپ و بڵاو کریایە.
وە قسەی مەنسور موحیبی لەو کتاوەیلە ک ساڵ گوزەشتە بڵاو کریانە، 32یان وە زوان کوردین و گشتیان لە باوەت ئەدەب و کتاو شعر و چیرۆکن.
وەپەی ئامار وەڕێوەبەرایەتی کولتووری ئیلام، لەو پارێزگا 36 دەزگای چاپ و بڵاوکردن و 480 نۊسەر چالاکی دیرن.
مەنسور موحیبی ئۊشێد، فرەوەبۊن شمارەی کتاوە چاپکراوەیل نیشانەی زیاتربۊن چالاکی نۊسەر و دەزگایل چاپ و بڵاوکردنەوەس و ئەوزەڵکردن ئەو بەشە پشتگیری وەرپرس و دامودەزگا پەیوەندیدارەیل خوازێد.
