‏پۆلیس هەولێر روونکردن ئەرا ئاڵووزییەیل "خەبات" دا

شەفەق نیوز - هەولێر

‏وەرێوەبەرایەتی پۆلیس هەولێر، ئمڕوو دووشەممە، روونکردن ئەرا ئاڵووزییەیل دویەشەو لە ئاوای "کۆردەڕەشە"  دەرکرد.

‏وەڕێوەبەرایەتیەگە لە بەیاننامەیگ رەسیە ئاژانس شەفەق نیوز وت: چەن کەسیگ ئاڵووزی و وەردەوەردە لە ئاوای "کۆردەرەشە" سەر وە قەزای خەبات دروسکردن،  ئەرا پاراستن سەقامگیری و نواگیری لە زەرەدڕەسانن وە گیان و مال هاووڵاتییەیل و کەرت گشتی، هێزەیلمان رەسینە ناوچەگە و ئەو کەسەیلە کە دەس داشتن لە دروسکردن ئاڵووزییەگە وە فەرمان دادوەری دەسگیر کریان".

‏وتیش؛ "رێکارەیل یاسایی وەرانوەر هەر کەسیگ گیرێد بەشداربویە لە رویداوەگە،  هاوڵاتیەیل ئاگادارکەیمن ری نیەیمن وە هویچ کەسیگ ئاسایش و سەقامگیری ناوچەگە بشیونێد، و پۆلیس یاسا جیوەجیکەێد ئەرا پاراستن مولک گشی و هاوڵاتیەیل".