پۆلیس هەرێم کوردستان راگەیان ٣٧٠ کەس وە تۆمەتەیل جیاواز دەسگیر کریانە

شەفەق نیوز/ پۆلیس هەرێم کوردستان، ئمڕوو دوشەممە، راگەیان ٣٧٠ داواکریاگ دەسگیرکردنە لەناویان پیاویگ ئاسایشە و کەسیلیگ لە " هێز زێرڤانی" وە تۆمەتەیل جیاواز. 

قسەکەر پۆلیس هەرێم کارزان ئەمیر لە کۆنگرەیگ رووژنامەوانی ک ئاژانس شەفەق نیوز ئامادەی بۊ وت: " وە داوای سەرۆک حکومەت هەرێم کوردستان مەسرور بارزانی، ژوور ئۆپراسیۆنەیل دروسکریا ئەرا دەسگیرکردن داواکریاگەیل وە هاوکاری هەریەک لە وەزارەتەیل ناوخۆ و دادوەری و پێشمەرگە و ئەنجومەن دادگای باڵا".  دیاری کرد"  ئەفسەر و پەدار و فەرمانبەر لە هێزەیل زێرەڤانی و هێز ئاسایش رادەس دادگا کریان ک وەرجە ئەوە خوەیان نەیانەسە دەس".

ئەمیر دیاریکرد، " ٣٧٠ داواکریاگتر دەسگیرکریانە وە لایەن دادوەری و رادەس لایەن دادوەری کریانە"، وتیش، داواکریاگەیل تۆمەتەیل جوراوجور ئەنجامدانە جۊر کوشتن و دزی و دەسدرۊژی و گەندەڵی.