پۆلیس دهۆک ئامار نوویگ لە تەقینەوەی گازەگە راگەیان
شەفەق نیوز/ وەڕێەوبەر پۆلیس پارێزگای دهۆک فەخری ئەحمەد، ئمڕوو سێشەممە، خەوەردا لە بەرزەوبوین شمارەی زەخمدارەیل تەقین تانکی غاز لە ناو بەشە ناوخوەیی خوەنەوارەیل لە ناوەن پارێزگاکە.
ئەحمەد لە کۆنگرەیگ ک ئمڕوو لە شوین رویداوەگە ئەنجامدا وت، وەپای لێکۆڵینەوەیل سەرەتایی تەقینەوەگە لەئەنجام تەقیان تانکی غاز بویە لەبان بینا و فڕنەگە نەویە، وتیش، تانکیەگە غاز لەلی چگە لەوەر کەموکوڵیگ هونەری هەنای یەکیگ لە خوەنەوارەیل گەرمکەرەوەگە دەمدەێد.
وتیش لەئەنجام رویداوەگە رائید عەلی و نەقیب عومەر بوینە قوربانی و دوو ئەندام لە پۆلیسیش زەخمداربوین، وتیش ئەو کەسەیلە تەقەلای کپەوکردن ئاگرەگە دانە ئەگەر ئەوان نەویاتان شمارەی قوربانیەل فرەتر بوی.
دیاریکرد، ئامار رویداوەگە رەسیە 4 قوربانی و 43 زەخمدار و پۆلیس وکراکار کۆمپانیای غاز هاناویان و بارودۆخ تەندروسیان ناجیگیرە، ئاشکەرایکرد زەخمدارەیلتر کەلەمەلیان سووکە فرەیگیان خەسخانە وەجی هیشتنە.
وتیش، ئەوەگ مەنییە 10 زەخمدارە و دیاریکرد وەڕێەوبەرایەتی پۆلیس دهۆک مەراسیمیگ سەربازی ئەرا وە خاکسپاردن قوربانیەل ئەنجامدەێد.
لەلایگتر سەرچەوەیگ پزیشکی وە ئاژانس شەفەق نیوز وت، ئامار قوربانیەیل بەرزەوی ئەرا پەنج کەس لەدویای مردن یەکیگ لە زەخمدارەیل.
