لە سلێمانی دەسنریا وەبان هەزار و 200 لەیزەر
شەفەق نیوز/ قائیمقامیەت سلێمانی رایگەیان، دەسگردنەس وەبان هەزار و 200 لەیزەر ک جویر قەڵەم و بازیەیل مناڵەیل بوین و لەبان داواکاری وەڕێەوبەرایەتی تەندروسی سلێمانی ئەنجامدریایە.
لە بەیاننامەی قائیمقامیەت سلێمانی هاتیە، دکتۆر سەباح هەورامی وەڕێوبەر گشتیی تەندروستیی سلێمانی نویسریاگیگ ئاراستەیان کردیە وە ئەرا دەسناین وەبان بازیەیل لەیزەری.
لە نویسریایەگە باس لەوەکردیە، لەخاتر بەرژەوەنی گشتی تیمەیلمان ئاگادار کردیمنە دەس وەبانن ئەو لەیزەرەیلە بگرن ک ها لە ناو قەڵەم و مەدالیە و بازیەیل مناڵەیل.
وەڕێوەبەر تەندروسیی سلێمانی ئوشێد، ئه‌و جویرە لەیزه‌رەیلە ئەگەر ئاراستەی چەو بکریەێد بوودە هووکار سزانن سەنتەر چەو بریگجار بوودە هووکار لە دەسدان چەو.
دکتۆر باوان عه‌بدولڕه‌حمان له دەسەی باڵای قائیقامیه‌ت سلێمانی ئاشكرایكرد، ئەرا جیوەجیکردن نویسریاگەگەی وەڕێەوبەرایەتی تەندروسی لە هەڵمەتەگەی ئمڕووی لیژنە هاوبەشەیل ئەرا دوکان و بازاڕ و ئەو شوینەیلە لەیزەر فروشن دەسگردنەس وەبان زیاتر لە هەزار و 200 لەیزەر جویراوجویر وە فەرمان قائیمقامیەت سلێمانی لەناو بریەن و خاوەنەگانیان رویوەروی یاسا کریەن.
