لە ساڵیاد ئادار.. مەسعود بارزانی دووپات کەێد: و هیچ شیوەیگ خوازین گەلەکەمان نێشکیەێد
بارزانی لە بەیاننامەگە وت: گرنگی رێککەفتن ئادار هالە رەزامەنی حکومەت عراق ئەرا یەکەم جارە وەشیوەیگ فەرمی وەبەشیگ لە مافە شەرعیەکان گەل کوردستان، و هەمیش ئەوە چەسپان ک دەسەڵاتەیل لە عراق توانای شکستهاوردن خوازین گەل کوردستان وە چەم وهێز توندڕەوەی نێەیرن.
هەمیش وت: نواگردن و خۆڕاگری و قوربانیەیل پێشمەرگە و یەکگردن رز شۆڕشگێرەیل و نیشتمان پەروەرەیل وە سەرکردایەتی بارزانی نەمر، ناچار حکومەت عراق ئەو وەختە کرد دانیشێدە پای مێز دانووستان، و رەزامەنی وەمافەیل و دەسکەفتە مێژووییەکان گەلەکەمان بەێد.
سەرکردەی کورد هەمیش وت: هەرچەن رێککەفتنەگەی ئادار لەلایەن رژێمەگە پێشێل کریا، وەلی ئەو دەسکەفتە جوور دەروازەیگ ئەرا قۆناغ نوویگ و گام گەورایگ بوی وەرەو ئەنجامدان دەسکەفتەیل و سەرکەفتنەیل مەزنیگ ئەرا گەلەکەمان.
هەمیش وت؛ رەتکردن و چەوپوشانن لە مافەیل گەل کوردستان و پێشێلکردن رێککەفتن و بنەما دەستووری و یاساییەکان ک پەیوەندی وە مافەیل گەل کوردستان دیرن، و هیچ شیوەیگ خوازین و توانای گەلەکەمان لە ئەنجامدان مافەیلی نێشکنێد، چوونکە گەل کوردستان خاوەن ئەزموونەیل دویر و دریژیگە لە خەبات و هووشیاری و خۆڕاگری و خاس مافەیل خوەی زانێد و واز لەلیان نیارێد.
