لە زاخۆ... پیاویگ داڵگ هەفت مناڵ کوشێد و وە مەوقەی پەیمانییەیگ دەسگیر کریا
شەفەق نیوز/ وەڕێەوبەرایەتی پۆلیس ئیدارەی ناوچەی زاخۆ لە هەرێم کوردستان، ئمڕوو یەکشەممە، خەوەردا لە دەسگیرکردن تاوانبار سەرەکییگ وە وەختیگ پەیمانەیی ک ژن 40 ساڵانیگ کوشتیە.
نهشەت سەلمان قسەکەر وەڕێەوبەرایەتی پۆلیس لە ڤیدیۆیگ ک لەبان تووڕ کۆمەڵایەتی بڵاوبویە وت، لەسەرەتای شەو پەنجشەممە تەرم ژنیگ 42 ساڵان لە ئاوای (حەسەن رەشول) پەیاکریاس ک ناوچەیگ کشتوکاڵیە کەفێدە سنوور قەزای زاخۆ، ک شوینەوار زەبر وەبان سەری بویە دویای ئەوەگ تەرمەگە ئەرا پزشک دادوەری کلکریا دەسکریا وە لێکۆلینەوە.
دیاریکرد، قسە لە ئەندامەیل خێزانی و کەسوکار شویەگەی وەرگیریایە، ک دانشتگ ناحیەی "دوميز"، و لە شوینیگتر کوشیایە و تەرمەگەی لە ئاوای (حەسن رەشول) فڕەدریایە.
وتیش، ئێ ژنە هویچ گرفتیگ وەگەرد شویەگەی نەیاشتیە و داڵگ هەفت مناڵە، پۆلیس توەنستیە تاوانبار سەرەکی دەسگیر بکەێد وە لە وەرانوار دادوەر دان وە تاوانەگەی دانایە.
وت، لێکۆڵینەوە وەردەوامە وەگەرد تاوانبارەگە ئەرا زانستن هووکار و چوینیەتی رویداوەگە.
