پەیامنێر ئاژانس شەفەق نیوز وت، خوەنیشاندەرەیل داوای کواستنەوەکەن ئەرا بان وەزارەت پەروەردە، ئەرا مسۆگەربین وەردەوام مەرەقەزکردن مووچەیلیان، هەمیش داوا لە سەرۆک وەزیرەیل و وەزارەت دارایی فیدراڵی کردن "مووچەیلیان یەکلایی بکەن و مەرەقەزکردنی مسۆگەر بکەن".

هەمیش، وەڕێوەبەر بەش کوردی لە پەروەدەی کەرکوک کامەران عەلی وە ئاژانس شەفەق نیوز وت، "مووچەی مانگ دووی ئمساڵ مامووسایەیل لەماوەی دوو رووژ مەرەقەزکرێد، گفتوگوکردن لەناوەین بەغدا و هەرێم هەس ئەرا چارەسەرکردن ئێ گیچەڵەیلە".

وتییش، "لەیرا 9 هەزار مامووسا و فەرمانبەر هانە بان میلاک بەش خوەنین کوردی و نزیکەی 535 مەکتەو سەرەتایی و ناوەندی و ئامادەیی هەس کە هەزاران خوەنەوار لەناویان خوەنن، لەوەر یە گشتمان هاینە ئیرە  ئەرا مسۆگەرکردن خەرجکردن مووچەیل".