گیچەڵ لە رەسین گاز بەرهەم وزەی کارەبا لە کوردستان وەشیوەیگ وەختانە کەمەو کەێد

شەفەق نیوز/ وەزارەت کارەبا لە هەرێم کوردستان، ئمڕوو شەممە، ئاشکرای داوەزیان بەرهەم کارەبا ئەرا 700 ميگاوات کرد، لە ئەنجام گیچەڵ لە رەسین گاز شل ئەرا وێستگەیل بەرهەمکردن.

وەزارەتەگە لە بەیاننامەیگ رەسیە ئاژانس شەفەق نیوز وت: کۆمپانیای دانا گاز ناچار بویە بەرهەم کارەبا ئەرا 700 میگاوات داگرێد کە  100 مليۆن پای شەشپاڵوو کەێد، لەوەر گیچەڵ رەسین گاز شل لە وێستگەی گاز کۆرمۆر.

وتیش: رەوشەگە ئەرا سروشت خوەی گلەو خوارد، کە ئیرنگە بەرهەم کارەبا رەسیە 3700 ميگاوات.

لە سەرەتای ئی مانگە، وەزارەتەگە راگەیان کە بەرهەم کارەبا وە 750 ميگاوات داوەزیا، لە ئەنجام کەمەوکردن فشار گاز لە کێڵگەی کۆرمۆر لە کارەیل گەشەپیدان گێڵگەگە.

جی باسە کە کێڵگەی کۆرمۆر سەرچەوەی سەرەکیە ئەرا گاز سروشتی ئەرا بەرهەمکردن کارەبا لە هەرێم کوردستان، و هەر گیچەڵیگ لە بەرهم یا رەسین گاز لەلیەو، وەکوتپڕ لە بەرهەم وزەی کارەبا دیار دەێد.