لە رویداو نادیاریگ.. کوشیان ژنیگ سوری دویای کەفتنی لە شوقەیگ لە هەولێر

شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە کوشیان ژنیگ دویای کەفتنی لە شوقەگەی لە کۆمەڵگەیگ نیشتەجییوین لە هەولێر پایتەخت هەرێم کوردستان.

سەرچەوەگە ئەرا ئاژانس شەفەق نیوز وت: هیزەیل ئەمنی ئاگاداری لەبان تەرم ژنیگ لەناو یەکیگ لە کۆمەڵگەیگ نیشتەجییوین وەرگرد، کە لە شوقەگەی لە قاتەیل بانین کەفتیە.

وتیش: تەرمەگە ئەرا پزشک دادوەری بریا، و دیاری کرد کە لێکولینەوەی سەرەتایی نشان دا کە ژنەگە ڕەگەزنامەی سوری دیرێد، و هیمان زانیاری لەبان شیوەی مردنی نادیارە کە ئایا خوەی کوشتیە یا لەباناو کەفتیەسە خوار.