لەدویای 27 ساڵ و 400 شمارە...ڤیستیواڵیگ رروشنهویری لە شار هەولێر سازکریەێد ئەرا گۆڤار "رامان"
![لەدویای 27 ساڵ و 400 شمارە...ڤیستیواڵیگ رروشنهویری لە شار هەولێر سازکریەێد ئەرا گۆڤار "رامان"](https://media.shafaq.com/media/arcella/1701252101934.jpg)
2023-11-29T10:02:28+00:00
شەفەق نیوز/ دەزگای چاپ و بڵاوکردنەوە و روشنهویری "رامان"، ئمڕوو چوارشەممە، یەکەمین ڤیستیواڵ ئەرا گوڤارەگەی رێکخست لەدویای 27 ساڵ لە دەرچگنی.
پەیامنێر ئاژانس شەفەق نیوز وت، دەزگاگە ڤیستیواڵیگ رێکخستیە وە بەشداریکردن نویسەر و ئەدیب و رەخنەگرەیل لە کوردستان و عراق و ئیران و تورکیا و سوریا.
وتیش، ڤیستیواڵەگە ماوەی دوو رووژ وەردەوام بوود لەدویای 27 ساڵ لە بونیادنان گۆڤار "رامان" تێد، دەرکردن زیاتر لە 400 شمارە لەچاپ لەلی.
لەلایگیش سەرنویسەر گۆڤار رامان ئازاد عەبدولواحید لە ڤیستیواڵەگە کە پەیامنێرمان ئامادەبوی راگەیان، " ئێ گۆڤارە یەکەمین گۆڤار رروشنهویری ئەدەبیە کە ماوەی 27 ساڵە وەردەوامە".