لە دویای هەولێر.. "روانگه" نزیکەی4000 سەوەتەی خوەراک لە دهۆک بەشەوکەێد (وینە)
شەفەق نیوز/ حکمەت محەمەد عەلی وەرپرس نویسینگەی رێکخریاگ "روانگە" لە پارێزگای دهۆک، ئمڕوو شەممە راگەیان، دەسکریاس وە هەڵمەت بەشەوکردن دەسمیەتیە خوەراکیەیل ئەرا خێزانەیل کەم دەرامەت لە پارێزگای دهۆک، لە چوارسویگ تەقەلای مرۆیی رێکخریاگەگە تێد ئەرا پاڵپشتیکردن فرەترین کەم دەرامەت لە مڵاوەی مانگ رەمەزان.
محەمەد لە بەیانیگ ئەرا ئاژانس شەفەق نیوز ئاشکرایکرد، رێکخریاگەگە 3700 سەوەتەی خوەراکی بەشەوکردنە کە هەر سەوەتیگ 37کیلو مادە خوەراکیە بنەرەتیەیل هاناوی کە پێداویستی مانگیگ یەک خێزان دابین کەێد.
وتیش، سەوەتەگە مادەیل خوەراکی جیاواز گرێدەخوەی جویر شەکر، برنج، دووشاوتەماتە،،زەیت، چای، مادەیل ترەک، دووپاتکرد گشت بەرهەمەیل خاوەن کوالێتی بەرزیگن کە پیشکەش وە سوودمەنەیل کرێد.
دیاریکرد، پرۆسەی بەشەوکردن لە ئمڕووە دەسوەپی کەێد چەن شوینیگ پارێزگاگە گرێدەو، لەناوەن شار دهۆک و قەزای زاخۆ دەسمیەتی بەشەوکریاس و وەردەوامە لەماوەی چەن رووژ ئایندە گشت قەزا و ناحیەیل گرێدەو، و رسێدە گشت ناوجەیل پارێزگای دهۆک، ئەرا مسۆگەرکردن سوودمەنی فرەترن شمارە لە خێزان کە هەوەجە وەی دەسپێشخەری مرۆیە کەێد.
