لەدویای دیاریکردن وەخت گونجیایگ.. نێچیروان بارزانی دووپاتکەێد لەبان وەڕیوەچگن هەڵوژاردن کوردستان لە 2024
یەیش لە دیداریگ هات لەدویای نیمەڕو ئمڕوو، وەگەرد ستیڤن هیتشن بایلۆز بەریتانیا لە عراق.
لە بەیانامەیگ سەرۆکایەتی هەرێم هاتیە، لە دیدارەگە باس لە پەیوەنیەیل بەریتانیا وەرد عراق و هەرێم کوردستان، بارودۆخ گشتی عراق، و هەڵوژاردن پەرلەمان و بارودۆخ هەرێم کوردستان کریا، و پەیوەنی هەولێر و بەغداد و گفتوگوکریا لە پێناو چارەسەرکردن گیچەڵەیل ناوەینیان.
لە بەیاننامەگە وتیش، هەردوگلا دووپاتکردن لەبان پەیوەنی گفتوگۆ لە پێناو چارەسەرکردن گیچەڵەیل ناوەین هەولێر و بەغداد لەبان بنەمای دەستوور و پاراستن مافەیل گشت لایگ، و سەرۆک نێچیروان بارزانی دووپاتکرد لەبان کلیل ئارامی عراق کە نوێنەرایەتی لە لەیکفامستن ناوەین هەولێر و بەغداد کەێد لە پێناو چارەسەرکردن ریشگی گیچەڵەیل و جیوەجیکردن دەستوور.
لە بەیانامەگە دیاریکرد، هەردووگ لا هاوڕابوینلەبان گرنگی وەڕیوەچگن هەڵوژاردن پەرلەمان لە هەرێم کوردستان وە بەشداریکردن گشت لایەن و پێکهاتەیل لە وادەی گونجیایگ لە ماوەی ئمساڵ، بایلۆز بەریتانیا دەسخوەشی لە تەقەلایل هەرێم کوردستان کرد ئەرا وەریوەچگن هەڵوژاردن.
تەوەریگ ترەک لە کوبوینەوەگە کە بایلۆز گشتی بەریتانیا لە هەولێر ئامادەی بوی، هویروڕا ئاڵشتکردن لەباوەت کۆتا ئەوزەڵکردنەیل ناوچەگە و کۆمەڵیگ باوەت کە جی گرنگیداین هاوبەشە، وەپای بەیاننامەگەی سەرۆکایەتی.
