لە دویای خوەشک و باوگی...دراوردن تەرم دویەم دویەت لە زێ بویچگ
![لە دویای خوەشک و باوگی...دراوردن تەرم دویەم دویەت لە زێ بویچگ](https://media.shafaq.com/media/arcella/1689234270607.jpg)
2023-07-13T07:45:47+00:00
شەفەق نیوز/سەرچەوەیگ ناوخوەیی، ئمڕوو پەنجشەممە، خەوەردا لە پەیاکردن تەرم دویەم دویەت ک وەگەرد باوگی لە چەم زێ بویچگ خنکیابوی لە قەزای کۆیە لە شار هەولێر هەرێم کوردستان.
رووژ یەکشەممەی گوزەشتە، لەماوەی سێ ساعەت سێ رویداو لە چەم زێ بویچگ رویدا، باوگیگ و دوو دویەتی خنکیان ک تەمەنیان لەناوبەین 13 تا 14 ساڵان بوی.
و ئمڕوو پەنجشەممە سەرچەوەیگ وە ئاژانس شەفەق نیوز راگەیان" تیم وەرگیری شارستانی توەنستنە تەرم دویەتیگ وە ناو (ماردین) درارن ک وەرجە چوار رووژ وەگەرد خوەشک و باوگی لە چەم زێ بوویچگ لە قەزای کویە خنکیاگە.
وتیش" دویەتەگە تەمەنی 13 ساڵانە و بڕیارە تەرمەیلیان لە میلکان خوەیان لە ناحیەی سێگردیان سەر وە قەزای کۆیە لە هەولێر بنریەێدە خاک".