لە دویای بیدەنگی.. ناوخوەی کوردستان هووشداری دەێد وە دەسەفرووشەیل لە لاوردن پۆستەر بەربژێرەیل
شەفەق نیوز/ وەڕوەبەر گشتی دیوان وەزارەت ناوخوەی هەرێم کوردستان هێمن میرانی، ئمڕوو چوارشەممە، راگەیان کۆتایی هاتن وە هەڵمەت بانگەشەکردن هەڵوژاردن خوول شەشەم پەرلەمان کوردستان کە بڕیاڕە لە بیس مانگ تەشرین یەکەم/ئۆکتۆبەر وەڕیوە بچێد وەی مانای لاوردن پۆستەر بەربژێرەیل نییە، هووشداریدا ئەوەگ وەی کارە هەڵبسێد وەپای یاسا لێپیچینەوە وەردی کرێد.
لەدویای ساعەت 12ی شەوەکی ئمڕوو چوارشەممە، ناوچە و شارەیل هەرمێم کوردستان چینە ناو بیدەنگی هەڵوژاردن لە دویای رەدبوین 20 رووژ لە دەسوەپیکردن هەڵمەتەیل بانگەشەکردن، شمارەیگ لە فروشیارەیل گەرۆک و بازرگانەیل ئاسن و بڕیگ کەس دەسکردنە وە کووەوکردن پۆستەرەیل بانگەشەی بەربژێرەیل کە ئاسن هالەقیانەو لەپێناو وەدەسکەفتن دەسکەفتیگ لەلی.
میرانی لەبان تووڕ کۆمەڵایەتی "فەیسبوک" نویسانییە هەڵمەت بانگەشەیل هەڵوژاردن کۆتایی هات چوویە نا بیدەنگی هەڵوژاردن یەیش وە مانای لاوردن پۆستەرەیل و بردن ئاسنیان نییە" دووپاتکرد " ئێ پۆستەرەیلە دانریانە تا رووژ هەڵوژاردن ئمساڵ و کۆتایهاتن پرۆسەی هەڵوژاردن مینن، بەربژێر و لایەنە سیاسیەیل وەرپرسن لە لاوردنیان".
دووپاتکرد هەرکەس هەڵبسێد وە ناوەی کۆتایهاتن وە هەڵمەت هەڵوژاردن وە لاوردنیان، پۆستەرە ئاسنیەیل بووەد رویوەروی یاساکرێد پۆلیس وەردی مامەڵە کەێد.
