پڕۆژەیل خزمەتگوزاری لە کویەی سەفین و هەڵمەتیگ ئەرا کاڵین ملیۆنیگ دار بەڕوو (وینە)

شفق نیوز- هەولێر

دامەزراوەی روانگە شمارەیگ لە پڕۆژەیل خزمەتگوزاری لە بان کویەی  سەفین و کەمپ جووتەدار جیوەجی کرِد، لەناو تەقەلای ئەرا پشتیوانی لە کەشوانەیل و بەهێزکردن ژیرخان و خزمەتگوزاریەیل لە ناوچەگە، هەمیشە وەرد وەردەوامی هەڵمەت "زاگرۆسانە"ی ژینگەیی ئەرا ساڵ دویەم، کە ئامانجگەی کاڵین ملیۆنیگ دار بەڕووە.

وەپا

لە بەیاننامەی  دامەزراوەگە، کە وەلایەن ئاژانس شفق نیوز ئیسفاکراس ، دەرکەفت کە گەشتیگ ئەرا چیا سەفین ساز کریاس وە بەشداری زیاتر لە 300 گەنج لە کوڕ و دۊەت لە کوردستان، کە شایەت  جیەجیکردن  پڕۆژەیل خزمەتگوزاری بوی لە کەمپ جووتەدار، لەوانەگ دابینکردن تووڕ ئاو، ئامادەکاری هاز  هێز کارەبا وە وەکۆارهاوردن پەڕەی solar، نووەووکردن خزمەتگوزاریە تەندروستیەیل، و خاسترکردن ئەو خزمەتگوزاری و شوێنەیلە کە چگن ئەرا مەزار "رەبەن بویا – شێخ وسوو رەحمان".

گەشتەگە چاڵاکی  کەشوانی و وەردەوامی هەڵمەت "زاگرۆسانە"ی ژینگەیی لەخوەی گرد، بیجگە ئەوەگ کار لەبان دیجیتاڵکردن ریگەیل کەشوانی کریا لەرێ بەرنامەی "Kurdistan Peaks"، و ئەڵگردانەسل و چاپکردن رێنماییگ ئرڕا ریگەیل کەشوانی وەپای  پەیمانەیل یەکێتی ناودەوڵەتی ئەرا کۆمەڵەی کەشوانەیل (UIAA)، وەپای بەیاننامەگە.