پەلاماریل تورکیا ماڵیگ لە قەزای ماوەت کەێدە ئامانج
2024-09-14T15:52:38+00:00
شەفەق نیوز/ درۆنەیل تورکیا، ئمڕوو شەممە، ماڵیگ لە قەزای ماوەت باکوور سلێمانی کردنە ئامانج.
وەپای ئەو زانیاری تایوەتەیلە دەس ئاژانس شەفەق نیوز کەفتیە، ئاوای "گڵە" سەر وە قەزای ماوەت لە باکوور پارێزگای سلێمانی پەلامار دریاس.
وەپای زانیاریەیل کە سەرچەوەیگ تایوەت ئەرا ئاژانس شەفەق نیوز ئاشکەرایکرد، لە ساعەت 3:10 دویای نیمەڕوو ئاوایەگە گیریاسە وەر پەلامارداین دڵەڕاوکێ لەناو دانشتگەیل ناوچەگە دروسکردیە.
سەرچەوەگە خەوەردا " وەلایەن تورکیا پەلامار دریانە، لە گوزەشتەش ئێ ئاوایە و ناوچەیل دەوروگەردی پەلاماردریاس".
وتیش "تا ئیسە زەردیل پەلامارەگە دیار نییە، پەلامارەگە فرە لە ناوچە نیشتەجیبوینەگە نزیکە".
