كوردستان دو زانكۆ له كه‌ركووك و يه‌كيگ له نه‌ينه‌وا په‌سه‌ن ناكا
له به‌ياننامه‌ى وزاره‌ته‌گه ك(شه‌فه‌ق نيوز)ئاگادارى بوى، ئه‌وه ده‌ركه‌فت ك گام جددى ئه‌نريه‌ێد ئه‌را خاسسازى زانكۆيه‌يل و به‌رزه‌وكردن ئاست زانيستييان تا كادر خاس و ئاست به‌رز بارنه به‌رهه‌م و يه‌يش ده‌رخست ك له‌شوون وازكردن بريگ زانكۆى ئه‌هلى له ناوچه‌يل كوردستانى ده‌يشت هه‌رێم كوردستان جوور ئه‌لحه‌دبا، ئه‌لنوور، ئه‌لقه‌له‌م، ئه‌لكتاب...، ئه‌وه دوينريا ك شيواز ده‌وام له‌تيان له ئاست ته‌ماميگ نيه وه به‌راورد وه‌ل زانكۆيه‌يل ئه‌هلى له هه‌رێم كوردستان.
جى باسه، به‌ياننامه‌گه باس له‌وه‌يش كرد ك ئى زانكۆيه‌يله گرفت ئه‌خاده پيشكه‌فتن باقى زانكۆيه‌يل له هه‌رێم و هه‌ر وه‌و خاتريشه حكومه‌ت هه‌رێم كوردستان دگان وه‌و زانكۆيه‌يله نانه‌ێد و داوا له خوه‌ندكاره‌يل ئه‌كا وه‌خت خوه‌يان له‌ده‌س نه‌يه‌ن له‌و زانكۆيه‌يله ك له كورستان په‌سه‌ن نيين.
