قەیران دارایی پەک پڕۆژەیل ریوبان لە گەرمیان خەێد

شەفەق نیوز/ وەڕێەوبەرایەتی ریوبان وپیەڵەیل لە ئیدارەی گەرمیان، ئمڕوو یەکشەممە، وسیان پڕۆژەیل ریوبانەێل گشتی ئمساڵ راگەیان، لەوەر قەیران دارایی، وتیش: ١٠٠ پڕۆژە هانە چەوڕی پویل.

عەدنان خەلیل ئیبراهیم وەڕیەوبەر ریوبان و پیەڵەیل گەرمیان ئەرا ئاژانس شەفەق نیوز وت: ئمساڵ جیوەجیکردن هویچ پڕۆژەیگ ریوبان و پیەڵەیل نەویە، لەوەر قەیران دارایی، وەگەرد وسیان پەنج پڕۆژەی گەپ لە ناوچەیلیگ جیاجیا لە گەرمیان وە خەرجیگ زیاتر لە ٢٠٠ ملیار دینار.

دیاری کرد ک ١٠٠ پڕۆژەی جیاجیا لە ناوچەیل گەرمیان و دەورگردی، کفری، کەلار، چەمچەماڵ، خانەقین،  هانە چەوەڕی تەرخانکردن پویل، ودووپات کرد ک پڕۆژەیل ریوبان لە گەرمیان کوالێتییان بەرزە.

ئیبراهیم باس خوازین ناوچەگە وە پڕۆژەیل ریوبان ستڕاتیژی هەس، چارەی قەیرانەیل فرەیگ کەێد ک لە ئەنجام کەمی وبەدی ریوبانەیل پەیا بوینە.