٧٩ قوربانی لە کریکارەیل هەرێم کوردستان وەماوەی ١٦ مانگ
سەرۆک نویسین دامەزراوەگە مەهدی رەسوڵ لە کۆنگرەیگ رووژنامەوانی ئاژانس شەفەق نیوز ئامادەی بوی وت: لە ئەنجام نەوین یاسای بیوەیی و تەندروسی لە شوینەیل کارکردن و نەوین یاسایلیگ ئەرا ماف کریکارەیل، ساڵانە بڕ قوربانیەیل خیزان کریکاری لە هەرێم کوردستان زیای بوود.
رەسول وتیش: وەماوەی ١٦ مانگ ٧٩ قوربانی لە خیزان کریکاری توومار کریا، وتیش: ٥٩ مردن کریکار لە کوردستان لە ماوەی ١-١٢٠٢٢ تا ٣١-١٢-٢٠٢٢ توومار کریاگە، ک وەیجویرە بوی: هەولێر ٢٤ قوریانی، سلێمانی ٢١، دهۆک ٩، هەڵەبجە ٥.
لەباوەت شمارەی قوربانیەیل لەی ساڵە، دووپات لە توومارکردن ٢٠ قوربانی لەماوەی ١-١-٢٠٢٣ تا ٢٨-٤-٢٠٢٣ کرد، ک وەیجویرە بوی: هەولێر ٥ کریکار، سلێمانی ٦، دهۆک ٢، هەڵەبجە یەک کریکار، و و ٦ قوربانی لە کریکارەیل شارەیل کوردستانی دەیشت هەرێم کوردستان.
رووژ جەهانی تەندروسی و بیوەیی لە شوین کراکردن، کەفێدە ٢٨ نیسان، مار ئەرا قایمکردن مقیتبوین لە رویداوەیل و بیماریەیل پیشەیی لە ئاست جەهان کەێد.
