فڕۆکەیل تورکیا پەلامار شوینەیل پەکەکە دەن لە باکوور دهۆک
2023-06-24T13:18:29+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا ک فڕۆکەیل تورکیا پەلامار ئاسمانی شوینەیلیگ پەکەکە دان لە ناوچەی نەهلە لە قەزای عمادیە باکوور دهۆک.
سەرچەوەگە ئەرا ئاژانس شەفەق نیوز وت: پەلامارەگە کویەیگ کرد ئامانج لەبان ئاوایەیل بلافە و کۆهەرزی، و ئی کویە چەن گلەیگ کەفتە وەر پەلامار و گورز، ک رخیگ خستە ناو خەڵک ئەو ئاوایەیلە، وەبی زانستن بڕ زەرەدەیل.
