فیستیڤاڵ وەهار لە سلێمانی وە بەشداربوین کۆمپانیایلیگ ناوخۆیی و بیگانە دەس وەپیکەێد

شەفەق نیوز/ چالاکیەیل فیستیڤاڵ وەهار لە پێشەنگای ناودەوڵەتی سلێمانی لە ناوچەی تاسلووجە، ئمڕوو پەنجشەممە، وەبەشداربوین زیاتر لە ٢٠٠ کۆمپانیای ناوخۆیی و بیگانەی (ئیرانی، و هیندی، و میسری، و سوری) وەنرخەیلیگ رکابەری دەس وەپیکرد.

پەیامنێر ئاژانس شەفەق نیوز لە زوان ژوور بازرگانی و پیشەسازی سلێمانی وت: ئامانجەگە لەی فیستیڤاڵە خوەی دەسمیەتیکردن هاووڵاتییەیلە ئەرا ئەوە ک ئەو چشتەیلە ک خوازنەی وە خاسترین نرخەیل بکەفێدە دەسیان، وەتایبەت ک ئیمە وەرەو مانگ رەمەزان نزیکەو بویمن.

وەگورەی ژوورەگە؛ کۆمپانیا بەشدارەکان بەرهەمەیل خواردەمەنی و تەندروسی و ناوماڵە ویکۆر و دڵنگ و چشتەیلیگ تر خستنەڕوو.